很久沒有寫BLOG 了，想不到再次更新是因為小語的入院事件。

流感高峰期臨近，我地蓄勢以待，誓要好好照顧呢個BB，令佢安然渡過危險期！點知，剛剛聽到警號，佢就已經"奶野"。

由上個星期五晚開始，佢一直發燒，時高時低咁，直到星期一，食葯都唔退燒，於是我地唯有送佢入醫院。

o矣！都係逃唔過呢一刼！

醫生話要吊鹽水.....好可憐的小語

睇下佢隻包糉般的手仔......心痛。

醫生幫佢打左抗生素同埋退燒葯，見佢漸漸退燒。到第二朝，終於生猛返d......

開始玩啦！

醫生做左個快速測試， 但搵唔到係咩病菌。見佢又好似無乜野，我地都係拿拿林同佢出院。事關老公昨晚留係度陪佢，而隔離床果兩個BB車輪咁喊，我估佢支持唔倒。

終於出院啦！

雖然而家亞B退左燒，但見佢都唔係好精神，而且又唔佑係咩病，我都仲係好担心,希望佢快D復完啦！