Chris公司今年攪family day係廸士尼, 呢個地點對小語來說很吸引, 而費用全免呢點則對我地兩老很吸引, 是以即時報名。

我地先在Disneyland Hotel 食buffet, 然後再入場。由於正值Halloween，今期主角當然係鬼鬼怪怪啦！

不過，呢個"黑色世界"其實好似唔多o岩亞B玩，都唔知係佢太細個，定係太細胆，見到D核突小小o既野就喊晒口！

為左亞Ｂ，我地當然只能玩Ｄ小兒枓，例如小小世界咁啦！至於鬼屋同過山車就......下次先啦！

煙花真係好靚, 雖然唔係好大型, 但就在眼前爆發的感覺實在很好。

影得咁靚, 當然唔係我o既技術同相機做得倒啦 ^^", 呢幾張相全部都係出自chris 個同事處！

亞B第一次現場睇煙花, 極度興奮, 全程狂叫.......講左幾十個"嘩"字！身邊一齊睇煙花o既人都比佢攪到興奮埋, 一齊狂嘩！

睇完煙花，我地應亞b要求，再玩多次小小世界，救命呀！！今日第三次啦.........最終攪到11點幾先走！累極！