由佢開業開始，我已好想去試下，終於夾到時間去，原來已經過左四個多月。不過，正因為熱潮已過，人流少左，反且令我食得更自在。

經過重新裝修，令人眼前一亮。環境寬敞、設計有型，以黑色為主，但不覺暗亦不覺冷。

先來一客各式飽飽，暖暖的，很吸引。尤其是那塊薄脆, 有點酸有點辣, 好味到令我明知飽肚仍然整塊KO！！

我至愛的生蠔，好甜！我食左幾蝶。

Buffet之中見到有頭的甜蝦真令人感動！我當然不停咁番單^^

其實日式燒物都好好味, 尤其帶子好鮮甜。但我為人嗜生, 主力仍然係生蠔同刺生。

精緻的甜品, 最好係細件, 可以試多d款式。

生雞蛋？！非也！其實係糯米皮包芒果心, 都幾得意。

多得亞b一直甜睡, 我同老公可以盡情勁食。

環境、燈光及氣氛都令人很舒服，食物亦算新鮮可口，可以再黎！

厠所設計亦都係黑色為主，但又唔會睇唔到野喎！最得意係果度自動門，望落去黑蚊蚊，兩扇門慢慢打開......我每次去都會默念：芝麻開門！.....襯返佢 ^^