第三場：莊莊＠牛陣

唔去過都唔知，原來.......

牛陣：係一間好串o既餐廳。

首先係冇得訂位, 咁我地唯有搵幾個人五點幾去攞飛先, 點知個時未坐滿人, 唔派飛。想入座又未夠人, 唔入得, 至衰仲係門口位超黑面姐姐, 問又唔答, 叫又唔啋咁！真係谷鬼氣！

最終等齊十多人, 等左個幾鐘到七點幾先有枱。好彩係：我地成班女仔坐左係門口度傾計, 八下八下咁又唔覺等得耐喎^^"; 最悶可能係d老公們, 佢地又冇得坐, 又搭唔倒咀！haha！

可能等得太久, 又限時90分鐘, 我地一入坐即起勢咁食！先黎兩大碟牛肉同豬肉！

見唔見d豬內好肥呀, 但食落又唔覺肥喎, 仲好爽口, 雖然一邊食, 一邊好有罪惡感, 但我都忍唔住食左十幾片！至於牛內都ok, 但第一碟好似係最好味的, 之後order的雪花愈來愈少。

除左肉係order之外, 所有蔬菜都係自助, 種類都算多, 亦很新鮮。但佢只係得呢種碟, 好難裝菜, 每次拎完好快又食晒, 要不停咁出去拎菜。

其實食物質數都ok, 但只係得牛肉同豬肉咁, 好似梗係爭咁d。而且佢等位咁煩, 番吃機會甚低。

雖然野食同招乎一般, 可幸我地呢班人一向自得其樂, 何時何地聚埋都可以吱吱喳喳, 戲笑一番, 總算冇破壞小莊的生日會^^