第二場：GIGI, 瑩瑩, 醒醒@尚饍私房菜
由於上述三位亞姐均於六月底生日, 所以年年都一齊慶祝, 好熱鬧！原本六月生日係有"四朶金花"的, 只因袁記遠嫁瑞典, 呢幾年都冇得一齊慶祝啦！
四朶金花, 生日快樂！
Chris 個 friend一直向我地推介呢間私房菜, 咁o岩又諗唔倒去邊吃飯, 姑且一試。
是次活動由小妹安排, 預計大家先到我屋企集合兼玩樂, 夜晚再打的過去。原本一切都好順利.......直至我地去到尚饍樓下, 不停按鐘而無人應門
；看更話尚饍搬左九年云云.....難道是騙局?!
雖然無比訂金, 但我背負大人細路同三個壽星婆的期望.....臨時臨急, 個訂枱聯終人又飛線落秘書台！！o矣......最終看更恥笑左我地一陣之後, 比左個大廚電話我......原來佢地搬左去海防道！我地唯有成棚人由佐敦行去尖咀......條路唔係好遠, 但唔好忘記我地特登打的過黎！擺左咁大個烏龍, 我當然被大家潤黎潤去啦！
好彩係三位亞姐都冇為此唔高興。
行到身水身汗, 終於黎到尚饍, 我亦終於放下心頭大石。佢有間房比我地, 可以靜靜地傾計(呢個亦係我地揀呢度o既主因)。
好肚餓呀, 上菜啦！
先黎一煲蟹肉翅
份量幾足，每人都有二碗，翅亦算多，味道不會太喊。好食！ 
整晚味道最濃的一味，海蔘夠滑，花膠夠入味，鮑魚仔亦夠腍，幾好！可惜呢味餸非我杯茶。
蝦多士香脆唔油......但個沙律竟然係熱的
，食落好怪呀！
我至愛的花蟹
，蛋白清甜帶淡淡酒香，好正！但蟹略為細隻，而且蟹肉有點削，不夠完美。
又一恩恩非佛：蒜蓉蒸聖子。但凡貝殼類都好吸引, 加上蒜蓉蒸, 我其實可以KO成碟, 但同枱o既人當然唔會比我咁做！不過, 我都側側膊吃左三件 ^^"
條魚蒸得剛剛好，夠熟但唔會過火，不得不讚。
醒醒話不錯的藕餅，但我太飽，放棄左佢。
個瑤柱汁都ok，但我唔like西蘭花。
原來佢冇飯供應, 見我地有兩個小朋友冇野食, 佢就整多個蟹肉伊麵比我地, 呢種服務態度真抵讚！
八個餸我地已經食唔晒, 加埋個麵, 甜品同生果盆, 真係好飽。雖然環境普普通通, 但勝在味道夠清淡, 份量又多, 每人只係218都幾抵食！
